Jab se begum ne mujhe murga bana rakha hai
MaiN ne nazrooN ki tarha sir bhi jhuka rakha hai

Bartano! Aaj merey sir pe barastey kyoN ho
MaiN ne tum ko to hamesha se dhula rakha hai

Pehley Belen ne banaya tha merey sir pe Ghomer
aur ab Chimtey ne mera gaal saja rakha hai

Sarey kaprey to jala daley haiN begum ne
tan chupaney ko Banyan phata rakha hai

Wahi Dunya maiN muqadder ka Sikander yahaN Tehra
Jis ne khod ko abhi Shaadi se bacha rakha hai

Pi ja is maar ki talkhi ko bhi haNs ker Nasir
Maar khaney maiN bhi Qudrat ne maza rakha hai